قصيده عن رفقاء السوء

قصيدة معبره يعاتبه فيها ودار هذا الحوار بينهما :

الابن :

يابوي انا جيتك والنفس ندمانه
ولدك تاه الطريق وكثرت أحزانه
وشرب المراره وغيره يشرب الحالي
وفي القلب نار تشب وتشعل أشعالي

الاب :

روح خل ينفعك من طاوعت شيطانه
صاحبك راعي الوفا اللي ماله امثالي
صديقك اللي يعدك ثالث اخوانه
وشلون خلاك وقت الضيق لا صالي

الابن :

يابوي عطفك رميت الروح بأحضانه
ونثرت دمعة سجين شاف الاهوالي
لا عاد تذكرلي الماضي وخلانه
راحو وشفني وحيد جالس الحالي

الاب :

غرتك دنياك والايام خوانه
رضيت بالصحبه الحسنه بالانذال
واغضبت أباك وفضحته بين جيرانه
ونزلت راسه وهو في ما مضى عالي

الابن :

انت السبب في الخطا وأنا أدفع أثمانه
أهملتني وانشغلت بجمع الاموالي
خليتني للهوى وابليس واعوانه
يلعب بي الجن من جانن ليا جاني

الاب :

أنا أجمع المال وأتعب حيل من شانه
قرش على قرش وريالٍ على ريالي
واشريلك اللي تبي من وسط دكانه
وتختار سيارتك لو سعرها غال

الابن :

يابوي أنا جيت والعينين غرقانه
تايب على الذنب وارجي رحمة الوالي
السجن قطع فؤادي صمت جدرانه
وظلمه زواياه عنه الموت اشوالي

الاب :

تعال يا روح ابيك ونبض وجدانه
لا عاد تشكي وتبكي يا بعد حالي
السجن قطع فؤادي صمت جدرانه
وقررت اخلي الطمع واهتم بعيالي
استغفر الواحد المعبود سبحانه
من رفقة السوء احذر كل الاجيالي


منقول

الله يسلمكـ........................................................ فهد الرويلي

اي والله انت صاتس الله يهيهم يعطيك العافية